14 avg 08:20
Yangiliklar

Boks/MMA

Nursulton Ro'ziboev jang qiladigan UFC San-Paulo turnirining markaziy jangi rasman elon qilindi

4 noyabr kuni Braziliyaning San-Paulo shahrida navbatdagi UFC Fight Night turniri o'tkaziladi.

Mazkur musobaqaning markaziy jangi elon qilindi.

Unga ko'ra, asosiy jangda og'ir vazn toifasida UFC reytingida 9-o'rinda borayotgan braziliyalik Jailton Almeyda (19-2-0) 5-pog'onadagi amerikalik Kyortis Bleyds (17-4-0) bilan to'qnash keladi. Jang 5 raund etib belgilangan.

Ahamiyatlisi, mazkur musobaqaning prelim kardida o'rta vaznda o'zbekistonlik UFC jangchisi Nursulton Ro'ziboev (35-8-2) braziliyalik Kayo Borralo (14-1-0) bilan jang qiladi.

Eslatib o'tamiz, Kyortis Bleyds o'zining so'nggi jangini Sergey Pavlovichga qarshi o'tkazib, mag'lub bo'lgan edi. Jailton Almeyda esa oxirgi jangida Jairzino Rozenstraykdan ustun kelgan edi.