19 iyu 08:59
Yangiliklar

Boks/MMA

Nursulton Ro'ziboev: "Menga jang beringlar, iltimos!"

O'rta vazn toifasida o'zbekistonlik aralash yakkakurash ustasi Nursulton Ro'ziboev Instagram'dagi sahifasiga yangi post joyladi.

AQSHda bo'lib turgan hamyurtimiz menejer va promouterlaridan jang so'rab, murojaat yo'llagan:

"Bugun yoki ertaga, har doim men tayyorman, iltimos, menga jang beringlar!", - deya Dana Uayt, Ali Abdel-Aziz va boshqalarga murojaat qilgan Ro'ziboev.

Ali Abdel-Aziz esa ushbu postga javoban "Sening vaqting keladi, og'ayni", - deb yozgan.

Eslatib o'tamiz, Nursulton Ro'ziboev 2022 yilda AQSHga borib, Dominance MMA menejerlik kompaniyasi bilan shartnoma imzolagan edi. Dominance MMA kompaniyasiga aynan Ali Abdel-Aziz rahbarlik qiladi.

Ayni paytda Ro'ziboevning boshqa promoushen bilan shartnomasi bor. Aynan shu omil uning UFC promousheni bilan shartnoma imzolashiga to'sqinlik qilmoqda.