Nursulton Ro'ziboev nega haligacha UFC bilan shartnoma imzolamayotganini aytdi

Hamyurtimiz avvalgi intervyusida ham boshqa liga bilan o'rtasida kelishuv borligi, liga uni qo'yib yubormayotganini aytgan edi.

Malum bo'lishicha, Ro'ziboev hali ham liga bilan o'rtadagi shartnomani bekor qila olmagan.

"Amerikaga ketish niyatim bor. Bir-ikki haftani ichida ketaman. O'zbekistonda turib, kutgandan ko'ra, o'sha erda yurib, mashg'ulotlarni qilib, tayyor turgan yaxshi. Meni o'zimga keladigan bo'lsak, o'tgan safar aytganimdek, liga bilan shartnomam bor edi, ular qo'yib yuborgisi kelmayapti. Hali ham uzilgani yo'q. SHuni kutib, borib yana mashg'ulot qilib, tayyor bo'lib kutib tursam-u, qog'ozim yo'q bo'lgani uchun yana qaytib kelmay, deb ketmay turgan edim. Xudo xohlasa, hal bo'ladi, deyishyapti. Lekin hali hal bo'lgani yo'q. Iyun oyida kutaylikchi, hal bo'lsa, tayyorgarlik qilib, jang qilib kelamiz", - dedi Nursulton Ro'ziboev BugunSport kanaliga bergan intervyusida.