18 fev 20:55
Yangiliklar

Dzyudo

Obidxon Nomonov Tel-Aviv "Katta Dubulg'a" turniri finalida tatamiga chiqdi

Tel-Aviv "Katta Dubulg'a" turnirining ikkinchi kungi bahslari o'z nihoyasiga etib bormoqda.

Hozirgina -73 kg vazn toifasidagi hal qiluvchi final uchrashuvi yakunlandi. Unda dzyudochimiz Obidxon Nomonov jahon chempionati sovrindori, Evropa chempioni, ozarbayjonlik Hidayat Heydarovga qarshi bahs olib bordi. Murosasiz bahsda hamyurtimiz nomdor raqibiga qo'shimcha daqiqadagi vazari bahosi evaziga imkoniyatni boy berib, Tel-Aviv "Katta Dubulg'a" turniri kumush medali sohibiga aylandi.

Etiborga molik jihati shundaki, Obidxon Nomonov faoliyatida ilk bor finalda ishtirok etdi va kumush medalni yaxshi natija sifatida qabul qilish mumkin. Dzyudochimiz kumush medal bilan birga qimmatli 700 reyting ochkosini qo'lga kiritdi.

Taqqoslash uchun, Obidxon Nomonov jahon reytingida 66, Hidayat Heydarov esa 8-o'rinni egallab turibdi.