20 okt 08:20
Yangiliklar

Boks/MMA

Odilxon Kamolovning navbatdagi jangi sanasi va manzili malum bo'ldi. U buni faoliyatidagi so'nggi jang bo'lishini aytgan

O'zbekistonlik bloger/jangchi Odilxon Kamolovning navbatdagi jangi tafsilotlari malum bo'ldi.

Unga ko'ra, yarim engil vazn toifasida jang qiluvchi Odilxon 18 noyabr kuni Qozog'istonning Olma-Ota shahrida joylashgan "Baluan-SHolak" arenasida tashkil etiladigan Octagon 52 musobaqasida jang qiladi. Unga kim raqiblik qilishi hozircha malum emas.

Qizig'i, Odilxon Kamolovning o'zi Instagram sahifasi orqali bu jang katta ehtimol bilan faoliyatidagi so'nggisi bo'lishini aytib o'tgan.

Eslatib o'tamiz, Odilxon Kamolov so'nggi bor joriy yilning 4 mart kuni Toshkentdagi Octagon 42 musobaqasida tojikistonlik "Kamil Karate" bilan jang qilgandi. O'sha jangda Kamilning birinchi raundda jarohat olishi natijasida jang o'tkazilmagan deb topilgan edi.