Og'ir atletika. Doston Yoqubov va Adham Ergashev uchun JCH muvaffaqiyatsiz yakunlandi

Kolumbiya poytaxti Bogota shahri mezbonlik qilayotgan 2022 yilgi og'ir atletika bo'yicha kattalar o'rtasidagi jahon chempionatining 5-kunida  terma jamoamizning 2 nafar vakili Doston Yoqubov hamda Adham Ergashev -67 kg vazn toifasida medallar uchun kurash olib borishdi. Biroq kutilmaganda sportchilarimiz bu gal shohsupaga ko'tarila olmadilar.

Doston Yoqubov dast ko'tarishda 135 kg, siltab ko'tarishda 172 kg  va ikkikurashda 307 kg bilan jahonning eng sara sportchilari orasida sakkizinchi pog'onadan joy oldi. Afsuski, yana bir iqtidorli sportchimiz Adhamjon Ergashev dast va siltab ko'tarish mashqlarida hech bir urinishdan unumli foydalana olmadi.

Oltin medal mezdon davlat vakili Francisloga nasib etgan bo'lsa, Tokio-2020 Olimpiada chempioni xitoylik CHen Lijun kumush medal egasiga aylandi. Bronza medalini tailand vakili Virafon Vichuma qo'lga kiritdi.

Erkaklar 

VT -67kg 

Natijalar:

Oltin - FRANCISKO MOSQUERA (Kolumbiya)

- Dast ko'tarish: 143KG 

- Siltab ko'tarish: 182KG

- Ikkikurash: 325KG

Kumush - LIJUN CHEN (Xitoy)

- Dast ko'tarish: 148KG

- Siltab ko'tarish: 176KG

- Ikkikurash: 324KG

Bronza - VIRAFON VICHUMA (Tailand)

- Dast ko'tarish: 143KG

- Siltab ko'tarish: 180KG

- Ikkikurash: 323KG

Eslartib o'tamiz Terma jamoamiz vakillarining keyingi ishtiroki 11-dekabr sanasiga belgilangan bo'lib, unda Og'abek To'xtaev -81 kg vazn toifasida suppaga ko'tariladi

O'zbekiston og'ir atletika federaciyasi matbuot xizmati