Og'ir vaznlilar UFC reytingida peshqadam o'zgardi

Uning o'rnini rossiyalik Sergey Pavlovich egalladi. Gan ikkinchi pog'onaga pastlagan. 

"Oldinda qiladigan ishlar ko'p!", - deya ushbu yangilikka munosabat bildirgan Pavlovich.

Katta ehtimol bilan rossiyalik og'ir vaznda amaldagi UFC chempioni Jon Jonsning navbatdagi raqibiga aylanadi. Liga matchmeykerlari Jonsga Stipe Miochich bilan jangni tashkil qilib bera olishmadi. Ushbu jang noyabr oyida o'tkazilishi rejalashtirilgan edi. 

Sergey Pavlovich 2018 yilning noyabr oyida UFC promoushenida omadsiz debyut qilgandi. O'shanda u birinchi raundning o'zida kuni kecha faoliyatini rasman yakunlagan Alistar Overimga texnik nokaut bilan yutqazib qo'ygandi. SHundan so'ng u ketma-ket 6 ta jangda raqiblarini aynan birinchi raundda mag'lub etishni uddaladi. U so'nggi jangini shu yilning aprel oyida amerikalik Kertis Bleydsga qarshi o'tkazib, uch daqiqadan sal ko'proq vaqtda masalani hal qilgan edi.