Oksana CHusovitina graffiti o'zgarganiga munosabat bildirdi

Unda gimnastik libosning o'rniga yubka "kiydirishgan" va bayroqni ham o'zgartirishgandi.

Oksana CHusovitina Instagram sahifasi orqali ushbu holatga o'z munosabatini bildirdi:

"Hurmatli do'stlar va muxlislarim! Men sizning har biringizni chuqur qadrlayman va hurmat qilaman va har qanday vaziyatda qo'llab-quvvatlovchi so'zlaringizni eshitishdan juda xursandman. 8-Olimpiadamda qatnashib, Yaponiyadan qaytib kelganimdan so'ng, CHilonzor tumanidagi turar-joy binolaridan birining fasadida muallifi @Inkuzart bo'lgan noodatiy art-obekt paydo bo'ldi. Bu men uchun ham, chiqishlarimni kuzatib boradigan barcha uchun yoqimli va ajablanarli bo'ldi. Bilaman, bu rasm katta rezonansga sabab bo'ldi va yurtdoshlarimiz tomonidan juda ko'p ijobiy fikrlar oldi. Lekin, afsuski, jamiyatimizda hali ham mamlakatimizning turli sohalarida, xususan, sanat va sportda amalga oshirilayotgan bunyodkorlik va islohotlarga yot, bilimsiz, “kaltafahm” fuqarolar ham uchrab turibdi, aftidan, bu jamoat ahamiyatiga ega bo'lgan obektlarga zarar etkazish va buzish, tahqirlash va yo'q qilishdir. Men rasmim bilan qilingan ishlarni faqat vandalizm deb atashim mumkin. SHahar hokimiyati mening gimnastik kiyimimga yubka qo'shilgan rasmning buzilgan joylarini tuzatishga qaror qildi. SHaxsan menga Toshkent shahar hokimligidan qo'ng'iroq qilishdi va bo'lgan voqeani aytishdi. Bunday etibor uchun juda minnatdorman. Men esa beparvo fuqarolarga o'z-o'zini barkamol rivojlantirishga intilishlarini, ko'proq mumtoz va ilmiy adabiyotlarni o'qishlarini, sport bilan shug'ullanishlarini va manaviy jihatdan yuksalishlarini tilayman",-deya post qoldirdi CHusovitina.