Oksana CHusovitina Islom Birdamlik o'yinlarida qatnashadi. Terma jamoa tarkibi malum

Ushbu nufuzli musobaqaga O'zbekiston gimnastika terma jamoasi ham qizg'in tayyorgarlik ko'rmoqda. O'zbekistonlik gimnastlar turnirda ushbu sport turining deyarli barcha turlarida ishtirok etadi. Islom Birdamlik o'yinlarida yurtimiz sharafini himoya qiladigan terma jamoamiz tarkibi elon qilindi. Unga ko'ra, erkaklar terma jamoasidan Abdulla Azimov, Xabibullo Ergashev va Rasuljon Abdurahimovlar o'rin olgan bo'lsa, ayollar terma jamoasi tarkibidan Oksana CHusovitina, Dildora Aripova, Ominaxon Xalilova joy oldi. Gulnaz Jumabekova va Lobar Amrillaeva zaxirada qolgan. Eslatib o'tamiz, Oksana CHusovitina Bokuda o'tkazilgan so'nggi Islom Birdamlik o'yinlarida tayanib sakrashda oltin medalni qo'lga kiritgan edi. 

Bu yil Konyada badiiy gimnastika bo'yicha individual chiqishlar bilan bir qatorda birinchi marta guruh mashqlari ham dasturga kiritildi. Va albatta, O'zbekiston bosh sovrin uchun asosiy davogarlar qatorida etirof etilmoqda. Guruh mashqlarida SHaxzoda Ibragimova, Nargiza Jumaniyazova, Mumtoza Isxoqzoda, Nilufar Azamova, Mariya Pak va Xurshida Abduraufova yurtimiz sharafini himoya qilsa, individual bahslarda Tahmina Ikromova va Sabina Tashkenbaeva chiqish qiladi. Yakkalik dasturida musobaqada ishtirok etadigan uchinchi vakilamiz nomi esa hali nomalum. Hozircha Ekaterina Fetisova va Yasmina Rahimovaning imkoniyatlari teng va yakunda qaysi sportchi musobaqada ishtirok etishi nazorat mashg'ulotlaridan so'ng malum bo'ladi.