Olamsport SHomurod SHofayzievni tabriklaydi!

Olamsport.com sayti ijodkorlari SHomurod SHofayzievni bugungi tavallud ayyom bilan muborakbod etadi va sportimiz fidoiysiga oilaviy baxt, farzandlar kamolini ko'rib yurishini tilaydi. 

Eslatib o'tamiz, shu yilning 8 sentyabr kuni Ukrainaning Odessa shahrida Xalqaro mukofot – "Oltin mangust-2018"ning taqdirlash marosimi o'tkazilgandi. Unda SHomurod SHofayziev «Jismoniy tarbiya va sport rivojiga qo'shayotgan hissasi hamda xalqlar orasidagi do'stlikni mustahkamlayotgani uchun» nominaciyasida tashkilotchilar tomonidan mukofotlangandi.

Osiyo o'yinlarida oltin medalni qo'lga kiritgan erkin kurashchimiz Bekzod Abdurahmonov esa «Jismoniy tarbiya va sport rivojiga qo'shayotgan hissasi uchun» nominaciyasida taqdirlangan edi.

Malumot uchun, «Oltin mangust» («Zolotoy Mangust», «Golden Mongoose») mukofoti sport sohasidagi «Oskar» hisoblanadi. Mukofot eng yaxshi sportchilar, sport faxriylari, sport rivoji va sog'lom avlod tarbiyasiga o'z hissasini qo'shayotgan tadbirkor va siyosatchilarga beriladi.