Olimpiada chempioni Ilias Iliadis O'zbekiston dzyudo federaciyasi bilan shartnoma imzoladi

O'zbekiston Milliy olimpiya qo'mitasida o'tkazilgan ushbu tadbirda MOQ prezidenti Rustam SHoabdurahmonov, MOQ vice-prezidenti, O'zbekiston dzyudo federaciyasi raisi Azizjon Kamilov, MOQ vice-prezidenti, O'zbekiston boks federaciyasi raisining birinchi o'rinbosari Saken Polatov, federaciya murabbiylar shtabi va OAV xodimlari ishtirok etdi. 

“Tokio Olimpiadasiga tayyorgarlik yo'lida MOQda yangi rahbariyat shakllandi. Bu rahbariyat oldiga ulkan vazifalar qo'yilgan bo'lib, har birimiz zimmamizda turgan masuliyatni his qilib turibmiz. Barcha federaciyalar, murabbiylar bir yoqadan bosh chiqarib ishlasak, marraga eta olamiz”, - dedi Rustam SHoabdurahmonov. 

O'z navbatida Azizjon Kamilov ham terma jamoa oldiga qo'yilgan vazifalar haqida gapirib o'tdi. 

“O'zbekiston Milliy olimpiya qo'mitasi bizni qo'llab-quvvatlayotani uchun minnatdorchilik bildirib qolaman. Ochig'i, Ilias Iliadis nomzodi ham to'satdan paydo bo'ldi. Yaponiya va Evropadan mutaxassis izlab yurganimizda Iliadisning eski shartnomasi yakuniga etib borayotgani haqida eshitdik. Fursatni qo'ldan boy bermay o'zaro kelishuvga erisha oldik. Oldimizda vaqt tobora kam qolmoqda. Biz bor imkoniyatimizni ishga solib, maksimum natija ko'rsatishga harakat qilamiz”, - dedi Azizjon Kamilov. 

SHundan so'ng O'zbekiston dzyudo federaciyasi va greciyalik Ilias Iliadis o'rtasida 2020 yilning oktyabriga qadar mo'ljallangan shartnomaga imzo qo'yildi. 

Bugun Iliadis boshchiligidagi O'zbekiston terma jamoasi o'quv-mashg'ulot yig'inini olib borish uchun Gruziyaga jo'nab ketadi. 29 dekabrga qadar mo'ljallangan mazkur yig'in dzyudochilarimizning jismoniy tayyorgarligini oshirishga qaratilgan.

Malumot uchun, Ilias Iliadis 1986 yil 10 noyabr kuni tavallud topgan. 17 yoshidayoq Afina-2004 Olimpiadasi chempionligini qo'lga kiritgan, London Olimpiadasi sovrindori va 3 karra jahon chempioni hisoblanadi.