Olimpiada sovrindori, Tokio-2020 licenzianti Magomed Ibragimovni tabriklaymiz!

Tajribali kurashchimiz 1985 yilning 2 iyun kuni dunyoga kelgan. Kasum Nasrudinov va Mayrbek Yusupov qo'l ostida erkin kurash sir-asrorlarini o'rgangan. Xalqaro musobaqalarda -97 kg vazn toifasida yurtimiz sharafini himoya qilib kelmoqda. 

Magomed Ibragimov Rio-2016 Olimpiadasida terma jamoamizga bronza medalini taqdim etgan. U 2018 yili Indoneziyaning Jakarta shahrida o'tkazilgan 18-Osiyo o'yinlarida ham bronza medalini qo'lga kiritgan. 2017 yili Deli, 2018 yilda esa Bishkekda Osiyo chempioni bo'lgan. SHu yil Qozog'istonda o'tgan Osiyo licenzion turnirida Tokio-2020 Olimpiadasi yo'llanmasini rasmiylashtirdi. 

Fursatdan foydalanib, Magomed Ibragimovni bugungi tavallud kuni bilan muborakbod etamiz. Unga uzoq umr, sihat-salomatlik va sportda ulkan muvaffaqiyatlar tilaymiz.