Olimpiada yo'llanmasini qo'lga kiritgan Hasanboy Rahimovning dopingi yuzasidan rasmiy bayonot berildi

Xususan, O'zbekiston sport kurashlari associaciyasiga Birlashgan sport dunyosi United World Wrestling (UWW) federaciyasidan ham rasmiy maktub kelib tushgan. Maktub mazmunida UWW Mustaqil antidoping tashkiloti (ITA) taxlillariga asoslangan holda Hasanboy Rahimovda doping aniqlanganini aytilgan.    

Xabarda bayon qilinishicha, Hasanboy Rahimovdan o'tgan yili Qozog'istonning Nur-Sulton shahrida o'tkazilgan sport kurashlari bo'yicha kattalar o'rtasidagi Jahon chempionati chog'ida olingan doping-taxlil ijobiy natija bergan. Tekshiruv Germaniyaning Drezden shahridagi laboratoriyada o'tkazilgan. Rahimovning qon tarkibida taqiqlangan klomifen (S4 toifa. gormonlar va modulyatorlar, metabolizm/klomifen) moddasi borligi aniqlangan. 

Aynan Nur-Sultondagi jahon chempionatida Hasanboy Rahimov 125 kg vazn toifasida bronza medalini qo'lga kiritish barobarida Tokio-2020 Olimpiadasi licenziyasini ham rasmiylashtirgan edi. 

O'zbekiston sport kurashlari associaciyasi shuni malum qiladi-ki, Hasanboy Rahimov sog'lig'ida yuzaga kelgan muammo sabab shifokor tavsiyasiga ko'ra dori vositasi qabul qilgan. Ammo, bu vosita tarkibida taqiqlangan klomifen moddasi borligini bilmagan. Sportchi o'sha paytda sog'lig'ini birinchi o'ringa qo'ygani uchun biroz extiyotsizlik qilgan.