Olimpiya o'yinlari sovrindori Jo Joys Fyuri bilan jang qilish istagini bildirdi

Uning fikricha, bu jangni tashkil qilish oson bo'ladi, boisi har ikki britaniyalik ham promouter Frenk Uorren bilan ishlaydi.

"Ha, men jang qilishga tayyorman. Avvaliga menda CHjan bilan jangim bor - bu juda muhim, shuning uchun birinchi navbatda ushbu bahsni o'tkazib olaman. Agar Fyuri Usik bilan jang qilmasa, men bilan ringda uchrashishni xohlashini aytdi.

Bu jangni tashkillashtirish juda oson bo'ladi. Ikkalamiz ham Frenk Uorren bilan ishlaymiz. Fyuri allaqachon men bilan jang qilmoqchi ekanligini aytdi va bu ajoyib bo'ladi. Odamlar bizning jangimizni ko'rishga qiziqishmoqda.

Boksda meni hech narsa ajablantirmaydi. Men faqat o'zimga kerak bo'lgan ishni qilaman, faoliyatimni rivojlantiraman va maksimal darajaga erishaman. Men joriy va kelasi yili ajoyib janglarda qatnashmoqchiman", - deya Joysning so'zlarini keltiradi BoxingScene.