Oliveyraning murabbiyi Maxachevga qarshi jang nechanchi raundda tugashini aytdi

"Rus kurashi Amerikanikidan farq qiladi. Lekin, hammasini allaqachon bilaman. Islam dog'istonlik jangchi, uning zaif tomonlarini allaqachon bilib olganman.

Uning uslubi kurash, bu borada u Xabibdan yaxshiroq. Xabib ko'proq sambo va dzyudoni namoyish etgan. Maxachevning uslubi ko'proq jangga o'xshaydi va u g'alaba qozonish uchun CHarlzni parterda ushlab turishga harakat qiladi. Uning jiu-jitsusi yaxshi. Ammo, bu Oliveyraga qiziq emas.

Biz to'rt yildan beri birga ishlayapmiz va CHarlz juda o'zgargan. U bilan sparring o'tkazish qiyin. 26 yildan beri kurash bilan shug'ullanaman, chempionatda g'olib bo'lganman. Lekin, u bilan kurashish qiyin, chunki u tez moslashadi va juda aqlli.

Agar CHarlz eronlik yoki rossiyalik bo'lganida kurash bo'yicha jahon chempioni bo'lardi. Uning tanasi jang qilish uchun juda mos keladi.

O'ylaymanki, Maxachev Oliveyrani yiqita olmaydi. Agar CHarlz uni yiqitsa, taslim bo'lishga majbur qiladi.

Ko'pchilik kurashchilar raqib tagiga tushganda kuchsiz bo'lib, o'rnidan turishga harakat qiladi va CHarlz bundan foydalanadi. Jang uchinchi raundda yakunlanadi. Oliveyra uni taslim bo'lishiga majbur qiladi yoki nokautga uchratadi", - deya murabbiyning so'zlarini keltiradi Sportskeeda.