Olmaliq shahrida milliy kurash targ'ibotiga bag'ishlangan tadbir o'tkazildi

O'zbekiston “Milliy tiklanish” demokratik partiyasi viloyat kengashi tomonidan tashkil etilgan tadbirda partiya masullari, “Yoshlar qanoti” faollari, Olmaliq shahar hokimligi mutasaddilari va yoshlar ishtirok etdi. 

“O'zbek kurashi – jasorat va halollik timsolidir” loyihasi doirasida o'tkazilgan tadbirda Prezidentimiz rahnamoligida sportni rivojlantirishga qaratilayotgan alohida etibor, joylarda barpo etilayotgan zamonaviy stadion va muhtasham sport inshootlari oilada, mahallada va butun jamiyatimizda sog'lom turmush tarzini qaror toptirishda yuksak samaralar berayotgani takidlandi. 

– Milliy kurashimizning bir qator turlari bilan muntazam shug'ullanayotgan yoshlarimiz turli nufuzli musobaqalarda muvaffaqiyatli ishtirok etmoqda, – deydi Olmaliq shahar bolalar va o'smirlar sport maktabi direktori Feruza SHodieva. – Bu borada maktabimiz sport majmuasida yaratilgan sharoitlar muhim omil bo'lmoqda. 

Tadbir davomida hududda milliy sport o'yinlari bo'yicha turli musobaqa va tadbirlar tashkil etish, kurashga qiziquvchi yoshlar uchun mahallalarda amalga oshirilayotgan ishlar yuzasidan fikr almashildi.