Oltin Gran-Pri. Rioda bronza medalini qo'lga kiritgan Tasmuradov chorak finalda yutqazib qo'ydi

Ushbu nufuzli turnirda erkin va yunon-rum kurashi bo'yicha O'zbekiston terma jamoasi polvonlari ham o'z mahoratlarini namoyish etishyapti. Gran-Prida Olimpiada g'olib va sovrindorlarining ishtirok etayotgani turnirning murosasiz kechinishi taminlamoqda.

Afsuski, terma jamoamiz azolari uchun mazkur musobaqa omadsiz o'tmoqda. Deyarli barcha kurashchilarimiz saralash bahslaridayoq mag'lubiyat alamini totib ko'rishdi.

Jumladan, Rio Olimpiadasi sovrindori 66 kg vazndagi Elmurat Tasmuradov chorak final bahsida mezbonlar vakili Rovshan Tagievga 0:6 hisobida yutqazib qo'ydi.  

Mirzobek Rahmatov esa serbiyalik Aleksandr Maksimovichga 0:8 hisobida imkoniyatni boy berdi. Hamyurtlarimizdan birgina Feruz To'xtaev yarim finalga chiqdi. U bugun final chiptasi uchun rossiyalik Mingiyan Semenovga qarshi gilamga chiqadi.