"Oltin hushtak" sohibi: Masofadan ishlayapmiz

Xususan, O'zbekiston sport kurashlari associaciyasida ham rahbariyat, xodimlar, murabbiylar faoliyati masofadan turib davom ettirilyapti. Telegram ijtimoiy tarmog'ida maxsus kanal ochilgan bo'lib, u erda doimiy axborot, malumot almashish yo'lga qo'yilgan. Murabbiylar sportchilarimizning karantin davridagi holati, ularning sog'liqlari haqida kunlik malumotlarga ega bo'lib borishyapti. Har bir kurashchi kuniga ikki mahal (ertalab va kechqurun)dan tana harorati haqidagi malumotni taqdim etadi.

"Kunlik mashg'ulotlardan tashqari, karantin davrida bo'sh vaqt ko'p bo'lishini inobatga olgan holda assoaciciya mutasaddilari o'ziga xos chellenjni yo'lga qo'yishgan. Ushbu chellenj "otjimanie"dan boshlangan edi. Kechadan "salto" bilan davom ettirilyapti. Sportchilar, murabbiylar estafeta tarzida bir-birlariga chaqiruv elon qilishyapti. Bu jarayon ham o'z o'rnida bo'sh vaqtni mazmunli o'tkazish uchun xizmat qiladi. SHuningdek, karantin davrida oila azolarimiz uchun ham har qachongidan-da ko'proq vaqt ajratyapmiz, farzandlarimiz bilan birga mashg'ulot o'tkazyapmiz, nabiralar bilan dars tayyorlayapmiz. SHaxsan o'zimga kelsak, Olimpiada va jahon chempionatlaridagi bellashuvlarni qaytadan ko'rib, hakamlik tomoniga etibor qaratyapman. Xorijdagi hamkasblarimiz bilan doimiy ravishda muloqot qilib, fikr almashib turibmiz, - deydi O'zbekiston sport kurashlari associaciyasi hakamlar qo'mitasi raisi, xalqaro toifadagi olimpiya hakami, "Oltin hushtak" sohibi Tohir G'ulomov. 

Umid qilamizki, hukumatimiz talab etayotgan majburiyatlarga to'liq rioya qilsak, koronavirus pandemiyasini engish oson hamda tezroq amalga oshadi.