Oltin medalidan mahrum qilingan Artur Taymazov muxlislarga murojaat qildi

"Bolaligimdan Olimpiada chempioni bo'lishni orzu qilardim. Men buning uchun butun umrimni bag'ishlaganman, sog'lig'imni "gilamga bag'ishlaganman". O'z medallarimni doimo halol kurash orqali yutib olganman. Hech qachon taqiqlangan moddalar istemol qilmaganman. 16 yil mobaynida juda ko'p marotaba doping-proba topshirganman va ulardan xech qaysisi ijobiy natija bermagan.

Sen chempion bo'lib, o'z millatingni zarhal harflar bilan tarixga yozdirib qo'yar ekansan, barchaning etiborida bo'lasan. Xato qilishga, nojo'ya harakatlar qilishga xaqqing yo'q bo'ladi.

Men o'zim uchun, menga ishonganlar uchun, mehnatlarimni ko'rganlar uchun uch karra Olimpiada chempioni bo'lib qolaveraman. Oilam, yaqinlarim doimo menga kuch berib turishgan va bu narsa menga olg'a intilishda yordam bergan. Uchinchi oltin medalimni qo'lga kiritish oldidan men uchun Osetiya ham duoda bo'lgan. SHu sababdan ham men muvaffaqiyatlarga erisha olganman.

Xalqaro Olimpiya qo'mitasining qaroriga etirozimni bildirmoqchiman.

Meni qo'llab-quvvatlagan va meni "toza" ekanligimga ishongan barchaga o'z minnatdorchiligimni bildiraman", - deb xabar qoldirgan sportchi Feysbukdagi sahifasida.