02 iyu 21:27
Yangiliklar

Tennis

Ons Jaber "Rolan Garros" uchinchi davrasiga chiqdi

Dunyoning ettinchi raketkasi Ons Jaber Franciya Ochiq chempionatining uchinchi davra ishtirokchisiga aylandi.

Tunislik tennischi ikkinchi bosqichda WTA reytingida 122-pog'onada borayotgan franciyalik Osean Dodenni ortiqcha qiyinchiliksiz mag'lubiyatga uchratdi - 6/2, 6/3.

Tennischilarning o'zaro o'tkazgan ilk uchrashuvi 72 daqiqa davom etgan. Jaber 6, Doden 1 ta eys zarbasini amalga oshirgan. Ons uchinchi davrada Olga Danilovichga qarshi kortga chiqadi. Serbiyalik tennischi ikkinchi bosqichda italiyalik Jasmin Paolinidan 6/2, 7/5 hisoblarida ustun keldi.