Ons Jaber Saudiya malikasiga tegishli brendni reklama qiladi

U Saudiya Arabistoni malikasi Rima bint Bandar Al Saudga tegishli Kayanee brendi elchisiga aylandi. Bu haqda "Katta Dubulg'a" turkumiga kiruvchi turnirlarning uch karra g'olibasi xabar berdi. Jaber Saudiya Arabistonida fitnes hamda sog'lom turmush tarzini yanada qaror toptirishga yordam beradi.

Dunyoning oltinchi raketkasi bo'lib turgan Ons Kayanee brendiga qadar Lotto kompaniyasi bilan hamkorlik qilgan.

"Uni asosiy sport elchimiz sifatida ko'rish biz uchun katta sharaf. Bu hamkorlik o'z ichiga faqat fitnes majburiyatlarni olmaydi. Jaber yosh ayol sportchilarni qo'llab-quvvatlash, ularni xalqaro maydondagi g'alabalar sari ruhlantirish uchun yordam beradi", - dedi Saudiya malikasi.