O'rganish ishlari Jizzax viloyatida olib borildi

Ishchi guruhga viloyat hokimi Ergash Saliev hamrohlik qildi.

Dastlab rasmiylar Dashtobod shaharchasidagi sport maktabida bo'lishdi. Mazkur muassasa taekvondo VT sport turiga ixtisoslashgan bo'lib, Parij-2024 yozgi Olimpiya o'yinlari ishtirokchisi Ozoda Sobirjonova ushbu maktab tarbiyalanuvchilaridan hisoblanadi. Mutasaddilar sportchimiz va mazkur zalda mashg'ulot olib borayotgan yoshlar bilan uchrashib, ularning rejalari, sharoitlari haqida suhbatlashishdi.

SHundan so'ng rasmiylar Zomin va Zarbdor tumanlaridagi sport maktablarini ham ko'zdan kechirishdi. U erdagi sharoitlar, o'quvchilarning mashg'ulotlar jadvali, moddiy-texnik bazalar o'rganildi va ish samaradorligini oshirish bo'yicha kerakli tavsiyalar berildi.

SHuningdek, Jizzax shahridagi velosportning BMX yo'nalishiga ixtisoslashgan majmua, SHarof Rashidov va Do'stlik tumanlardagi sport maktablarning faoliyati ham o'rganilib, yoshlarni sportga yanada keng jalb qilishga doir vazifalar belgilab olindi.

Har bir hududda bo'lgani kabi viloyatdagi Olimpiya va Paralimpiya sport turlariga tayyorlash markaziga ham alohida nazar tashlandi. Viloyat futbol akademiyasida o'tgan o'rganish ishlari doirasida mutaxassislar bilan uchrashuv tashkil etildi. Unda har bir federaciyalarning viloyat bo'limi vakillari va boshqa mutaxassislar bilan yangi Olimpiya cikliga tayyorgarlik bo'yicha fikr almashildi.