24 noy 09:37
Yangiliklar

Dzyudo

Osaka “Katta Dubulg'a”. Hurramov ham 1/4 finalda!

Osaka shahri mezbonlik qilayotgan “Katta Dubulg'a” turkumiga kiruvchi turnirning uchinchi kungi bahslari davom etmoqda.

Alisher Yusupovdan so'ng yana bir dzyudochimiz musobaqaning chorak finaliga yo'l oldi. -100 kg vazn toifasida mamlakatimiz sharafini himoya qilayotgan Muhammadkarim Hurramov ketma-ket ikki uchrashuvda kuchli raqiblarini mag'lubiyatga uchratdi.

O'z ishtirokini to'g'ridan-to'g'ri ikkinchi bosqichdan boshlagan Muhammadkarim bu davrada koreyalik Kim Jae Yunni engdi. Hozirgina yakuniga etgan uchinchi bosqich bellashuvida esa gollandiyalik mashhur dzyudochi, jahon chempionatining amaldagi bronza medali sovrindori, shu yilgi Boku “Katta Dubulg'a” turniri g'olibi Mixael Korrelni mag'lub etishning uddasidan chiqdi.

Hurammov birozdan so'ng yarim final chiptasi uchun yaponiyalik Dayki Nishiyamaga qarshi tatamiga chiqadi.