23 noy 09:18
Yangiliklar

Dzyudo

Osaka “Katta Dubulg'a”. Rasulovda ikkinchi g'alaba!

Yaponiyaning Osaka shahrida “Katta Dubulg'a” turkumiga kiruvchi nufuzli turnir davom etmoqda.

Bugungi bellashuvlarda yurtimiz sharafini birgina Kamoliddin Rasulov himoya qilayotgani haqida xabar bergan edik. Hozirgina -81 kg vazn toifasida tatamiga chiqayotgan dzyudochimiz ikkinchi g'alabasiga erishdi. Rasulov bahslarga to'g'ridan-to'g'ri qo'shilgan bolgariyalik Ivaylo Ivanovni mag'lubiyatga uchratdi.

Eslatib o'tamiz, Kamoliddin ilk uchrashuvidan moldovalik raqibi Nikon Zaboroshichdan ustun kelgandi. Birozdan so'ng u chorak final yo'llanmasi uchun mo'g'ulistonlik Uugonbaatar Otgonbaatarga qarshi tatamiga chiqadi. Otgonbaatar ikkinchi davrada ruminiyalik Vlad Visanni taslim etgan.