Osaka "Katta Dubulg'a" turniriga qura tashlandi

22-24 noyabr kunlari o'tkaziladigan musobaqada dunyoning 5 ta qitasi, 94 davlatidan jami 534 (307 erkak, 227 ayol) nafar dzyudochi musobaqa medallari hamda Tokio-2020 Olimpiadasining muhim reyting ochkolari uchun tatamiga chiqishadi. 

Bir necha daqiqa avval turnirga qura tashlash marosimi bo'lib o'tdi. Osaka tatamilarida yurtimiz sharafini 7 nafar dzyudochimiz himoya qiladi. Terma jamoa murabbiylari etakchi dzyudochilarimizning ayrimlariga dam berishni lozim topishgan. 

Qura natijalari:

-60 kg: Kemran Nurullaev - Ariunbold Enxtayvan (Mo'g'uliston)/Soukfaksay Sizisan (Laos)

-81 kg: Kamoliddin Rasulov - Nikon Zaboroshich (Moldova)

-90 kg: Davlat Bobonov - Jon Jeyn (AQSH)/David Klammert (CHexiya)

-100 kg: Muhammadkarim Xurramov - Kim Jae Yun (Janubiy Koreya) 

+100 kg: Alisher Yusupov - Ruslan SHaxbazov (Rossiya)

Qizlar:

-52 kg: Diyora Keldiyorova - Sosorbaram Lxagvasuren (Mo'g'uliston)

-78 kg: Nodira Yo'ldosheva - Fanni Estelle Posvite (Franciya)