Osiyo chempionati. Bugun erkin kurashchilarimiz 1 ta kumush, 4 ta bronza medaliga ega chiqishdi

Bugun o'smirlar o'rtasidagi qita chempionatining so'nggi kuni erkin kurash bo'yicha barcha g'olib va sovrindorlar nomi malum bo'ldi. Biroz avval yakuniga etgan kechki final dasturida 7 nafar erkin kurashchimiz Osiyo chempionati medallari uchun gilamga chiqdi. Ulardan 5 nafari yakunda shohsupaga ko'tarildi.  

60 kg vazn toifasida yurtimiz sharafini himoya qilgan Javohir CHuliboev Osiyo chempionligi uchun kechgan bahsda mezbonlar vakili Bilol SHarip uulusha 5-8 hisobida yutqazib, kumush medal sohibiga aylandi. 

Uchinchi o'rin uchun bo'lib o'tgan bellashuvda raqiblaridan usnu kelgan Abbosbek Qobilov, Husanboy Usmonov, SHerzod Poyonov va Hikmatullo Qurbonov terma jamoamizga bronza medalini taqdim etishdi. 

Osiyo chempionati. Final dasturi

Oltin medal uchun

60 kg: Javohir CHuliboev - Bilol SHarip uulu (Qirg'iziston) 5-8

Bronza medal uchun 

45 kg: Behruz Qalandarov - Nurassil Assambek (Qozog'iston) 6-9

48 kg: Aziz Rahmonov - Ramil Rassim (Qozog'iston) 2-6

51 kg: Abbosbek Qobilov - Azim Abdikalikov (Qirg'iziston) 4-3  

55 kg: Husanboy Usmonov - Yoko Ito (Yaponiya) 7-0

92 kg: SHerzod Poyonov - Sahil Jaglan (Hindiston) 4-3

110 kg: Hikmatullo Qurbonov - Rentsendarjaa Munhbaatar (Mo'g'uliston) 10-0