Osiyo chempionati. CHuliboev oltin, 6 nafar erkin kurashchimiz bronza uchun gilamga chiqadi

Bugun o'smirlar o'rtasidagi qita chempionatining so'nggi kuni erkin kurash bo'yicha barcha g'olib va sovrindorlar nomi malum bo'ladi. Kechki final dasturida 7 nafar erkin kurashchimiz Osiyo chempionati medallari uchun gilamga chiqadi. 

60 kg vazn toifasida yurtimiz sharafini himoya qilayotgan Javohir CHuliboev 1/4 finalda eronlik Sajad Pirdayehni so'nggi qo'lga kiritilgan ball (4-4) evaziga mag'lub etdi. Yarim finalda hindistonlik Surabh Surabhdan 12-9 hisobida ustun keldi. Uning Osiyo chempionligi uchun kechadigan bahsdagi raqibi Bilol SHarip uulu (Qirg'iziston) bo'ladi. 

Qolgan 6 nafar erkin kurashchimiz kechki final dasturida qita chempionatining bronza medallari uchun bahslarga kirishadi. 

Osiyo chempionati. Final dasturi

Oltin medal uchun

60 kg: Javohir CHuliboev - Bilol SHarip uulu (Qirg'iziston)

Bronza medal uchun 

45 kg: Behruz Qalandarov - Nurassil Assambek (Qozog'iston)

48 kg: Aziz Rahmonov - Ramil Rassim (Qozog'iston)

51 kg: Abbosbek Qobilov - Azim Abdikalikov (Qirg'iziston)   

55 kg: Husanboy Usmonov - Yoko Ito (Yaponiya)

92 kg: SHerzod Poyonov - Sahil Jaglan (Hindiston)

110 kg: Hikmatullo Qurbonov - Rentsendarjaa Munhbaatar (Mo'g'uliston)