Osiyo chempionati. Erkin kurashchilarimizda 1 tadan kumush va bronza + FOTO

Bugun erkin kurash bo'yicha musobaqa boshlandi va birinchi kuni 5 ta vazn toifasida g'olib hamda sovrindorlar nomi malum bo'ldi. Saralash bahslaridan so'ng uch nafar kurashchimizning kechki dasturda medallar uchun gilamga chiqishi oydinlashgandi. 

70 kg vazn toifasida yurtimiz sharafini himoya qilgan Sirojiddin Hasanov finalda oltin medal uchun kurashdi va afsuski, qozog'istonlik Sirbaz Talgatga 2-6 hisobida imkoniyatni boy berdi. 

57 kg vazndagi kurashchimiz Nodirjon Safarov bronza medali uchun bo'lib o'tgan uchrashuvda falanstinlik Ali Aburumaylani 12-2 hisobida mag'lubiyatga uchratdi. Terma jamoamizning 65 kg vazn toifasidagi vakili Nodir Rahimov esa bronza medali uchun bellashuvda eronlik Morteza Giasi CHekaga yutqazdi. 

SHu tariqa, erkin kurash bo'yicha O'zbekiston terma jamoasi Osiyo chempionatining birinchi kunida 1 ta kumush, 1 ta bronza medalini qo'lga kiritdi. Ertaga qolgan 5 ta vazn toifasida bahslar o'tkaziladi.