Osiyo chempionati. Ilyas Bekbulatov finalda, Ro'zimov bronza uchun kurashadi

Quvonarlisi, -70 kg vazndagi yurtdoshimiz Ilyas Bekbulatov final chiptasini qo'lga kiritdi. Ilyas chorak finalda qirg'izistonlik Islambek Orozbekovni 14:3, yarim finalda mo'g'ulistonlik Temuulen Enxtuyani 4:2 hisobida mag'lub etdi. Endi u kechki dasturda Osiyo chempionligi uchun gilamga chiqadi. Uning oltin medal uchun bellashuvdagi raqibi birozdan so'ng aniqlanadi.

-57 kg vazn toifasidagi kurashchimiz Sardor Ro'zimov esa bronza medali uchun gilamga chiqadigan bo'ldi. Sardor chorak finalda yamanlik Gamal Alsabridan 12:0 hisobida ustun kelgandi. Ammo, yarim finalda tojikistonlik Hikmatullo Vohidovga 2:3 hisobida yutqazib qo'ydi. Ro'zimovning bronza medali uchun bahsdagi raqibi qirg'izistonlik Bekbolot Mirzanazar Uulu bo'ladi.