03 mar 19:27
Yangiliklar

Sport kurashlari

Osiyo chempionati. Magomed Ibragimov Osiyo chempioni, Qurbonovda kumush medal

Erkin kurash bo'yicha Osiyo chempionati davom etmoqda.

-79kg vazn toifasida hal qiluvchi janglar yakunlandi. Unda oltin medal uchun hamyurtimiz Rashid Qurbonov gilamga chiqqandi. Afsuski, sportchimiz hal qiluvchi jangda eronlik Izzatillo Akbarizorinkolaiga imkoniyatni boy berib qo'ydi va kumush medal bilan kifoyalandi.

-97kg vazn toifasida yurtimiz sharafini himoya qilayotgan Magomed Ibragimov esa hal qiluvchi jangda eronlik boshqa bir sportchi Motaba Goleiga qarshi gilamga chiqdi va oson bo'lmagan g'alabani qo'lga kiritib, Osiyo chempioniga aylandi!

SHu tariqa, bugun bahslarda ishtirok etgan erkin kurashchilarimizdan Magomed Ibragimov va Ihtiyor Navro'zov oltin, Rashid Qurbonov va Mahmudjon SHavkatov kumush, Temurjon Usmonohunov esa bronza medalini qo'lga kiritdi.