Osiyo chempionati. O'zbekiston ayollar terma jamoasi eng ko'p finalchi bilan ishtirok etadi

Kecha 9 nafar o'zbekistonlik bokschi qizlar ringga ko'tarildi va ulardan 7 nafari hal qiluvchi bosqichga chiqdi. Sabina Boboqulova va Sohiba Ro'zmetovaga esa biroz omad etishmadi, ular musobaqani bronza medali bilan yakunlaydigan bo'ldi.

Ayollar terma jamoamiz qita birinchiligida eng ko'p final yo'llanmasini qo'lga kiritgan jamoa bo'lib turibdi. Vakillarimizdan 7 nafari finalda ishtirok etadi, keyingi o'rinlarda Qozog'iston (5) va mezbonlardan 4 nafar bokschi oltin medal uchun ringga ko'tariladi. 

Finalga yo'l olgan bokschilar:

-48 kg: Farzona Fozilova

-52 kg: Feruza Kazakova

-54 kg: Aziza Yaqubova

-57 kg: Nigina O'ktamova

-66 kg: Navbahor Hamidova

-75 kg: Aziza Zokirova

+81 kg: Oltinoy Sotimboeva.