Osiyo chempionati. Saparniyazov bronza uchun kurashadi, SHapiev 1/2 finalda

Bugun erkin kurash bahslarining ikkinchi kuni ham 5 ta vazn toifasida g'olib va sovrindorlar nomi malum bo'ladi. -92 kg vazn toifasida yurtimiz sharafini himoya qilayotgan Ajiniyaz Saparniyazov chorak finalda hindistonlik Somvir Somvirni 10:0 hisobida engdi. Yarim finalda esa eronlik Muhammadjavad Ibrohimizivayiga 2:10 hisobida yutqazib qo'ydi. Endi Ajiniyaz kechki dasturda qozog'istonlik Ilisxan CHilaevga qarshi bronza medali uchun gilamga chiqadi. 

-86 kg vazn toifasidagi kurashchimiz Isa SHapiev chorak finalda tojikistonlik Bahodur Qodirovni 7:4 hisobida engdi. Birozdan so'ng u final chiptasi uchun eronlik Ahmad Yusuf Bazrig'alehga qarshi bahs olib boradi. 

-61 kg vaznda bahslarga kirishgan Jahongirmirzo Turobov saudiyalik Rami Alamadan 12:2 hisobida ustun keldi. Ammo, chorak finalda Rahul Avarega 9:1 hisobida yutqazib qo'ydi. -74 kg vazndagi Mirzo Hayitov ilk davrada tojikistonlik G'ulomjon SHaripovga 3:10, -125 kg vazndagi polvonimiz Suhrobjon Mukaramov esa hindistonlik Satender Satenderga 4:5 hisobida imkoniyatni boy berib, Osiyo chempionatidagi ishtirokini yakunladi.