28 apr 09:56
Yangiliklar
Osiyo chempionati. Umumjamoa hisobida uchinchi bo'ldik+FOTO
Xabar berganimizdek, ushbu qita chempionatida ishtirok etgan charm qo'lqop ustalarimiz 1ta oltin, 4ta kumush va 3ta bronza medalini qo'lga kiritishdi. Terma jamoamiz umumjamoa hisobida Qozog'iston va mezbonlardan so'ng uchinchi o'rinni band etishdi.
Jamoamizga yagona oltin medalni 56 kg vazn toifasida yurtimiz sport sharafini himoya qilgan Abdumalik Halokov taqdim etdi. U final jangida filippinlik Kristian Laurenteni mag'lub etib, Osiyo chempioniga aylandi.
Finalda mag'lubiyatga uchragan Samandar Xolmurodov, Temur Merjanov, Javohir Tog'aymurodov va Jamshidbek Mahamadaliev kumush medal bilan taqdirlanishdi. Qizlar o'rtasidagi musobaqaning yarim finaliga etib kelgan yagona vakilamiz Mahliyo Rahimova bronza medaliga sazovor bo'ldi.
Boks bo'yicha O'zbekiston yoshlar terma jamoasi delegaciyasi ertaga, 29 aprel kuni kechqurun Toshkentga qaytib keladi.
Fikrlar