19 iyu 09:21
Yangiliklar

Dzyudo

Osiyo chempionatining birinchi kuni 8 ta medal qo'lga kiritildi, yarmi oltin + FOTO

Tailand poytaxti Bangkok shahri o'smirlar va yoshlar o'rtasidagi Osiyo chempionatiga mezbonlik qilmoqda.

Kecha qita chempionatining birinchi kuni o'smirlar medallar uchun bahslarga kirishishdi. Osiyo chempionatida Tohir Fayziev murabbiyligidagi to'liq tarkibdagi O'zbekiston terma jamoasi dzyudochilari ham tatamiga chiqishyapti.

Quvonarlisi, birinchi kungi bellashuvlarda kadetlarimiz 4 ta oltin, 3 ta kumush, 1 ta bronza medalini qo'lga kiritishdi. Tailand zaminida O'zbekiston davlat madhiyasi to'rt bor yangrab, bayrog'imiz sarbaland ko'tarildi.

Oltin medal sohiblari

-40 kg: Laziza Haydarova

-44 kg: Umidaxon Burxonjonova

-55 kg: Anvarjon Ibrohimov

-66 kg: SHohjahon Otaboev

Kumush medal sohiblari

-48 kg: Sevinch Murodova

-52 kg: So'g'diyona Rafkatova

-60 kg: Sardor Himmatov

Bronza medal sohibi

-66 kg: Saddam Husanov