Osiyo chempionatining jamoaviy poygalari g'oliblari malum bo'ldi

Erkaklar o'rtasida 40 km masofaga o'tkazilgan jamoaviy poygalarda birinchi o'rinni Qozog'iston terma jamoasi qo'lga kiritgan bo'lsa, ikkinchi va uchinchi o'rinlar Janubiy Koreya hamda Gon Kong jamoalariga nasib etdi.

 Ayollar o'rtasidagi jamoaviy poygalar 30 km masofada o'tkazilib, unda birinchi o'rinni Janubiy Koreya, 2-o'rin Qozog'iston va 3-o'rin gonkonglik velosportchilar qo'lga kiritdi.

 Eslatib o'tamiz, yurtimiz ilk marotaba velosiped sportining shosse yo'nalishi bo'yicha Osiyo chempionatiga mezbonlik qilmoqda. Unda Xitoy, Yaponiya, Janubiy Koreya, Hindiston, Vetnam, Gonkong, Malayziya, Filippin, Tailand, Mo'g'uliston, BAA, Iordaniya, Eron, Saudiya Arabistoni, Yaman va Livan kabi 40ga yaqin mamlakatdan 500 nafardan ortiq velopoygachilar ishtirok etishyapti.