Osiyo chempionatining so'nggi kunida oltin va kumush qo'lga kiritdik!

Musobaqa o'zbekistonlik yosh polvonlar uchun omadli keldi. Bugun chempionatning so'nggi kuni doirasida erkin kurash bo'yicha bahslar bo'lib o'tdi.

-61kg vazn toifasida yurtimiz sharafini himoya qilgan Abbos Rahmonov turnir davomida Janubiy Koreya, Tojikiston, Xitoy va Qozog'iston vakillarini mag'lubiyatga uchratib, oltin medal sohibiga aylandi. -125kg vazn toifasida bahslarda qatnashgan Hasanboy Rahimov Qozog'iston, Xitoy, Janubiy Koreya vakillaridan ustun kelib, finalga yo'l olgandi. Hal qiluvchi jangda esa u eronlik polvonga imkoniyatni boy berib qo'ydi.

Malumot uchun, musobaqa davomida yunon-rum kurashi bahslarida Temurmirzo Mamajonov (oltin), Kamol Qo'ziev (kumush), Mahmud Bahshilloev (bronza), To'rabek Tirkashev (bronza), ayollar kurashida Nabira Esenbaeva (kumush) va Bahtigul Baltaniyazova (bronza), erkin kurashda esa G'ulomjon Abdullaev (oltin), Abbos Rahmonov (oltin), Hasanboy Rahimov (kumush) Muhammadrasul Rahimov (bronza) sovrindorlar qatoridan joy olishdi.

SHu tariqa, O'zbekiston terma jamoasi yoshlar o'rtasidagi Osiyo chempionatidan 10 ta medal (3ta oltin, 3ta kumush va 4ta bronza) bilan qaytadigan bo'ldi.