Osiyo chempioni Bahodur Usmonov prof boksda debyut qildi

Jang oqshomi doirasida tojikistonlik bokschi, Osiyo chempioni Bahodur Usmonov professional boksdagi ilk jangini o'tkazdi. Ushbu jangga Bahodurga rossiyalik Vildan Minasov (4-0, 3 KO) raqiblik qildi. 

6 raundga mo'ljallangan jang to'liq davom etdi va unda Bahodur ochkolar evaziga g'alaba qozondi. Qayd etish lozimki, Usmonov jang boshida nokdaun holatiga tushib qolgandi. Ammo u o'ziga kelib oldi va murosasiz kechgan bahsda g'alabaga erishdi.

Malumot uchun, Bahodur Usmonov 2019 yili Bangkokda o'tkazilgan Osiyo chempionatining oltin medal sohibi (-64 kg) hisoblanadi. Ayni paytda Tokio Olimpiadasi yo'llanmasini naqd qilib qo'ygan.