Osiyo Kubogi-2022 musobaqasida 29 ta medal bilan birinchi bo'ldik

Baluan SHolak nomidagi sport saroyida o'tkazilgan musobaqada O'zbekiston terma jamoasi muvaffaqiyatli ishtirok etdi. Hamyurtlarimiz ikki kunlik murosasiz bellashuvlar natijasiga ko'ra 11 ta oltin, 6 ta kumush, 12 ta bronza, jami 29 ta medal qo'lga kiritishdi. 

Terma jamoamizning bu muvaffaqiyatiga qizlarimiz munosib hissa qo'shishdi. Ular barcha vazn toifalarida chempionlik shohsupasiga ko'tarilishdi. Qozog'iston terma jamoasi 3 ta oltin, 8 ta kumush, 18 ta bronza medali bilan ikkinchi o'rinni band etishdi. Keyingi o'rinlardan Qirg'iziston va Turkmaniston terma jamoalari joy olishdi.