11 sen 20:54
Yangiliklar

Velosport

Osiyo kubogining bugungi kunini oltin medal bilan boshladik

Hindistonda velotrek bo'yicha Osiyo kubogi bahslari davom etmoqda. Etiborlisi, bugungi kun dasturlari terma jamoamiz uchun muvaffaqiyatli boshlandi.

Erkaklar o'rtasida 30 kilometr masofada kechgan ochkolar poygasi yo'nalishida hamyurtimiz Murodjon Xolmuratov 41 ochko bilan oltin medal qatori Tokio Olimpiadasi uchun 200 reyting ballini ham o'z hisobiga qo'shib qo'ydi.

Kumush va bronza medallari esa BAA vakili Ahmad Almansuri va eronlik Hamid Jannatga nasib etdi. Ushbu yo'nalishda ishtirok etgan terma jamoamizning boshqa bir vakili Danil Evadakimov esa to'rtinchi pog'onani band etdi.

Bugun mazkur Osiyo kubogi yakuniga etadi. Kechki dasturda terma jamoamiz vakillari yana bir qator yo'nalishlarda o'z startlarini kutib turishibdi.