Osiyo ot sportining kelajakdagi ustuvor rejalari Toshkentda muhokama qilindi

"InterContinental Hotel Tashkent" mehmonxonasi mezbonlik qilgan tadbirda tashkilot prezidenti shayx Hamad ibn Ali Al Attiya, O'zbekiston Respublikasi Sport vaziri o'rinbosari SHahrullo Mahmudov, O'zbekiston yilqichilik va ot sporti federaciyasi raisi Bahromjon Gaziev hamda AEF ning Ijroqo'm azolari ishtirok etishdi.

Assambleya mobaynida tashkilotning so'nggi davrda olib borgan faoliyati barcha kesimlarda tahlil qilinib, kelgusi rejalar, xususan, Parij-2024 yozgi Olimpiya o'yinlariga tayyorgarlik dasturi ko'rib chiqildi. 

SHuningdek, joriy yilning 24 aprel - 5 may sanalarida yurtimizda o'tadigan “Millatlar kubogi” va “Jahon kubogi” musobaqalari ham yig'ilish muhokamasining kun tartibidan o'rin oldi. Xalqaro federaciya mutasaddilari mamlakatimizning ushbu turnirlarni yuqori saviyada o'tkazishiga ishonch bildirdi.

O'z o'rnida, SHahrullo Mahmudov yurtimiz deyarli barcha sport turlari bo'yicha yirik musobaqalarni qabul qilishga tayyor ekani, buning uchun davlatimiz tomonidan barcha zarur sharoitlar yaratib berilishini malum qildi.

Bosh assambleya davomida tashkilotning mintaqaviy bo'limlariga rahbarlar saylandi. Qolaversa, 2026 yil Yaponiyada o'tadigan XX yozgi Osiyo o'yinlariga tayyorgarlik ko'rish, shuningdek, kelgusi Bosh assambleyani o'tkazishga doir masalalar ham ko'rib chiqildi.