Osiyo o'yinlarining beshinchi kunini 3 ta bronza medali bilan yakunladik

Kun davomida o'zbekistonlik sportchilar 3 ta bronza medalini qo'lga kiritishdi.

Sovrindorlar ro'yxati:

Vladimir Svechnikov (O'q otish)

Svetlana Osipova (Taekvondo)

Humoyun Sultonov (Tennis).

- - - - -

Ushbu sahifa orqali bugungi kun doirasida ishtirok etayotgan sportchilarimizning natijalaridan onlayn ravishda boxabar bo'lib borishingiz mumkin bo'ldi.

- - - - -

19:04. Kibersportning Peace Elite (PUBG) o'yini bo'yicha terma jamoamiz 2-raundni yakunladi. Afsuski, vakillarimiz bu safar Saudiya Arabistoni, SHri-Lanka va Makao joy olgan guruhda so'nggi natijani qayd etdi. Bu esa keyingi bosqichga o'tish uchun etarli bo'lmadi. Eslatib o'tamiz, tarkibda taniqli strimer "Yakudza" ham bor edi.

19:00. Asadxo'ja Mo'ydinxo'jaev (-71 kg) filippinlik raqibiga qarshi nimchorak final jangini o'tkazdi va 5:0 hisobida g'alaba qozonib, chorak finalga yo'l oldi. Jang davomida hamyurtimiz raqibini bir necha bor nokdaun holatiga tushirdi.

18:29. Futbol bo'yicha ayollar terma jamoamiz "A" guruhida 2-tur o'yinini mezbon Xitoyga qarshi o'tkazdi va 0:6 hisobida mag'lubiyatga uchradi. Qizig'i, futbolchilarimiz ilk turda Mo'g'ulistonni huddi shu hisobda taslim etgan edi.

18:00. Suv polosi. Ayollar terma jamoamiz Yaponiyaga qarshi bahsda 7:37 hisobida mag'lubiyatga uchradi. Bu vakilalarimizning musobaqa doirasidagi to'rtinchi o'yini bo'ldi. Keyingi o'yin 30 sentyabr kuni Singapurga qarshi bo'lib o'tadi.

17:48. Hasanboy Do'smatov nimchorak final doirasida qozog'istonlik Saken Bibiosinov bilan jang qildi va 4:1 hisobida g'alaba qozonib, chorak finalga yo'l oldi!

16:49. Suzuvchimiz Eldorbek Usmonov 50 metrga batterflyay usulida suzish yo'nalishining final bosqichida 23:56 natija bilan 8 nafar sportchi orasida oltinchi bo'ldi.

16:08. O'zbekiston U23 (erkaklar) terma jamoasi nimchorak final bosqichida Indoneziyani 2:0 hisobida mag'lub etdi va chorak final masalasini hal qildi.  

16:06. Boks. Rayhona Qodirova qatarlik Dana Al Jaborni ilk raunddayoq muddatidan oldin mag'lubiyatga uchratdi va chorak finalga yo'l oldi.

Qariyb bir yarim soatlik tanaffusdan so'ng yana o'zbekistonlik sportchilar ishtiroki start olmoqda. Bokschimiz Rayhona Qodirova hamda suv polochilarimiz ishtirokidagi bahslar boshlanish arafasida

15:50. Velosportchimiz Aleksey Fomovskiy omnium poygalarini beshinchi o'rinda yakunladi.

14:30. Velosport. Olga Zabelinskaya va Nafosat Qozieva medisonda to'rtinchi natijani qayd etishdi. Afsuski ushbu yo'nalishda ham medal uchun ozgina etmadi.

14:18. Stol tennisi. Marhabo Magdieva va Rozalina Xadjieva tandemi xitoylik raqibalariga 0:3 (1:11, 4:11, 1:11) hisobida imkoniyatni boy berib qo'yishdi.

13:30. Humoyun Sultonov yarim finalda dunyoning 60-raketkasi, xitoylik Jijeng Jangga 4:6, 1:6 hisobida imkoniyatni boy berdi va Osiyo o'yinlarining bronza medali sohibiga aylandi!

13:03. Humoyun Sultonov birinchi setda 4:6 hisobida yutqazib qo'ydi.

12:55. Oksana CHusovitina o'z chiqishini 13,084 ball bilan yakunladi va to'rtinchi o'rinni egalladi.

12:10. Kibersportchilarimiz Peace Elite (PUBG) o'yini bo'yicha "A" guruhi saralashini birinchi bosqichini 2-o'rinda yakunladi. Terma jamoamiz tarkibida SHohruz "Yakudza" Nazarov, Rikardo "Rikki" SHarafiddinov, Diyorjon Abdumalikov hamda Jamoliddin Turg'unov harakat qildi. Birozdan so'ng kechki dasturda 1/8 final yo'nnalmasi uchun kurash bo'ladi. 

12:04. Sport gimnastikasi. Humoyun Islomov finalni to'rtinchi o'rinda yakunladi. Exxx... Medalga ozgina etmadik. To'rtinchi o'rin!

11:17. Svetlana Osipova yarim final bosqichida xitoylik raqibasiga imkoniyatni boy berib qo'ydi va natijada Osiyo o'yinlarining bronza medalini qo'lga kiritdi.

11:02. Svetlana Osipova ishtirokidagi yarim final jangi boshlanmoqda. "Sport TV"da jonli efir.

10:00. Svetlana Osipova Toshkent vaqti bilan soat 11:00da yarim finalda xitoylik raqibasiga qarshi dayanga chiqadi.

9:30. Birozdan so'ng tennischimiz Humoyun Sultonov yarim finalda xitoylik raqibga qarshi kortga chiqadi.  

8:52. Bizda kunning dastlabki medali! To'pponchadan 10 metrdan o'q otish bahslarida Vladimir Svechnikov BRONZA medalni qo'lga kiritdi!

8:37. O'q otish. Vladimir Svechnikov finaldagi ishtirokini boshladi. "Sport TV"da jonli efir. 

8:33. Stol tennisi. Marhabo Magdieva gonkonglik raqibasiga 0:4 hisobida yutqazdi.

8:18. Qilichbozlik. Sablya bo'yicha erkaklar terma jamoamiz chorak finalda Xitoyga 31:45 hisobida yutqazdi. 

8:15. CHim ustida xokkey. Erkaklar o'rtasidagi bahslarda terma jamoamiz Pokistonga 2:18 hisobida mag'lub bo'lishdi. 

8:11. O'q otish. 10 metrga to'pponchadan otish bahslarida yigitlarimizga biroz omad etishmadi va finalda to'rtinchi natijani qayd etishdi. 

8:04. Taekvondo. Nikita Rafalovich musobaqadagi ishtirokini chorak finaldan boshladi. U Xitoy Taypeyi vakiliga qarshi jangda afsuski 1:2 (3:4, 8:0, 2:3) hisobida yutqazib qo'ydi. 

7:45. Suzuvchimiz Eldorbek Usmonovning natijasi final uchun etarli bo'ldi va u kechki dasturda medallar uchun suzadi.

7:31. Taekvondochimiz Svetlana Osipova o'z ishtirokini chorak finaldan boshladi. U ilk jangini eronlik raqibasiga qarshi o'tkazdi va 2:1 hisobida g'alaba qozondi. 

7:21. 50 metrga batterflyay usulida suzish bahslarining saralashida yurtdoshimiz Eldorbek Usmonov o'z guruhida 23.54 natija bilan marraga uchinchi bo'lib etib keldi. Birozdan so'ng uning finalga chiqqan-chiqmaganlini aniq bo'ladi.

6:55. Qilichboz yigitlarimiz sablya yo'nalishida Vetnamni 45:40 hisobida mag'lub etishdi va chorak finalga chiqishdi. Navbatdagi raqib - Xitoy.

Assalomu alaykum hurmatli sport ishqibozlari. O'zbekistonlik sportchilarning Osiyo o'yinlaridagi ishtirokiga oid navbatdagi onlayn matnli translyaciyani boshlaymiz.

Bugun kun davomida quyidagi sportchilar O'zbekiston sharafini himoya qiladi:  

6:00. - O'q otish. Erkaklar, 10 metrga to'pponchadan o'q otish, saralash. Vladimir Svechnikov, Muhammad Kamolov, Veniamin Nikitin

6:00. - O'q otish. Erkaklar, 10 metrga to'pponchadan o'q otish, jamoaviy, final. O'zbekiston (Vladimir Svechnikov, Muhammad Kamolov, Veniamin Nikitin)

6:00. - Qilichbozlik. Erkaklar jamoaviy, sablya, nimchorak final. O'zbekiston - Vetnam

6:00. - CHim ustida xokkey. Erkaklar, "A" savatcha, 3-o'yin. O'zbekiston - Pokiston

6:00. - Kibersport. Peace Elite o'yini bo'yicha, "A" guruhi, 1-raund. O'zbekiston (Diyorjon Abdumalikov, SHohruz Nazarov, Jamoliddin Turg'unov, Rikardo SHarafiddinov)

7:00. - Velosport. Aleksey Fomovskiy (erkaklar, omnium)

7:30. - Velosport. Ayollar, Sprint. Nafosat Kozieva, Olga Zabelinskaya

7:10 dan so'ng. - Suzish. 50 metrga batterflay usulida suzish, saralash. Eldorbek Usmonov

7:15. - Taekvondo. Ayollar, +67 kg, chorak final. Svetlana Osipova - Anahita Tavakoli (Eron)/Kirstie Alora (Filippin)

7:45. - Taekvondo. Erkaklar, +80 kg, chorak final. Nikita Rafalovich - En Meng Li (Xitoy Taypeyi)/Ray Rahi (Livan)

8:00. - Stol tennisi. - Ayollar, yakkalik, 1/16 final. Marhabo Magdieva - Xoy Kem Du

10:00 dan so'ng. - Tennis. Erkaklar, yakkalik, 1/2 final. Humoyun Sultonov - Jizen Jang (Xitoy)

11:30. - Sport gimnastikasi. Erkaklar, tayanib sakrash, final. Humoyun Islomov

11:30 dan so'ng. - Sport gimnastikasi. Ayollar, tayanib sakrash, final. Oksana CHusovitina

13:00 dan so'ng. - Stol tennisi. Ayollar, juftlik, 1/16 final. Marhabo Magdieva/Rozalina Xojaeva

13:30. - Futbol. Erkaklar, nimchorak final. O'zbekiston - Indoneziya

16:00. - Suv polosi. Ayollar. O'zbekiston - Yaponiya

16:00. - Boks. Ayollar, -60 kgda nimchorak final. Rayhona Qodirova - Dana Al-Jabor (Qatar)

16:30. - Futbol. Ayollar, "A" guruhi, 2-tur. O'zbekiston - Xitoy

17:30. - Boks. Erkaklar, -51 kgda nimchorak final. Hasanboy Do'smatov - Saken Bibosinov (Qozog'iston)

18:45. - Boks. Erkaklar, -71 kgda nimchorak final. Asadxo'ja Mo'ydinxo'jaev -  Maryon Pianar (Filippin).