Osiyoning 40 davlati orasida 6-o'rinni egalladik

Ayni daqiqalarda jamoaviy bahslar o'tkazilmoqda. Kecha yakuniga etgan yakkalik bahslarida O'zbekiston terma jamoasi 1 ta oltin, 2 ta kumush, 2 ta bronza medalini qo'lga kiritib, Osiyo va Okeaniyaning 40 ishtirokchi davlati orasida 6-o'rinni band etdi. Dzyudochilarimiz 2 tadan beshinchi va 7-o'rinlarni ham egallashdi. 

Dzyudo vatani - Yaponiya terma jamoasi Osiyo chempionatida jami 9 ta medalni rasmiylashtirdi. Kunchiqar yurt vakillari 4 ta oltin, 1 ta kumush, 4 ta bronza medaliga egalik qilishdi. Mo'g'uliston terma jamoasi 3 ta oltin, 2 ta kumush, 3 ta bronza medali bilan ikkinchi o'rinni band etdi. 

Kuchlikka uchlikka 2 ta oltin, 3 ta kumush, 6 ta bronza medali bilan Janubiy Koreya terma jamoasi yakun yasadi. Bizdan avvalgi o'rinlarni Xitoy va Qozog'iston dzyudochilari egallashgan. Ettinchi pog'onadagi KXDR jamoasi 1 tadan oltin va bronza medaliga ga bo'ldi. Jami 12 davlat dzyudochilari uylariga kamida bitta bronza medali bilan qaytishdi. Qolgan 28 mamlakat ortga quruq qo'l bilan qaytishga majbur bo'lgan.