O'smirlar Olimpiadasi chempioni Ilhomjon Bahromovni tabriklaymiz!

Ilhomjon Bahromov 1997 yil 7 yanvar kuni Samarqand viloyatida tug'ilgan. Sportchilar oilasida dunyoga kelgan Ilhomjon yunon-rum kurashi bo'yicha terma jamoamiz sharafini himoya qilib kelmoqda. 

2014 yil Xitoyning Nankin shahrida bo'lib o'tgan ikkinchi o'smirlar Olimpiya o'yinlari g'olibi bo'ldi va 2019 yil kattalar o'rtasida Osiyo chempionatida ham terma jamoamiz hisobiga yana bir oltin medalni taqdim qilgan. Kurashchimiz faoliyati davomida yana bir qator boshqa nufuzli xalqaro musobaqalarda ham g'olib va sovrindorlar qatoridan joy olgan.

O'zbekiston Milliy olimpiya qo'mitasi, O'zbekiston sport kurashlari associaciyasi Ilhomjon Bahromovni tavallud ayyomi bilan tabriklab, unga uzoq umr, sihat-salomatlik va ulkan muvaffaqiyatlar tilaydi.