O'smirlarimiz “Nosov Cup” xalqaro turniridan 3 ta medal bilan qaytishyapti

O'z tarixida sakkizinchi bor tashkil etilgan “Nosov Cup” xalqaro musobaqasida dunyoning yigirmadan ziyod davlatidan 2000 nafarga yaqin o'smirlar tatamiga chiqishdi. Bahslar 2006-2008 (qizlar), 2006-2007, 2008-2009, 2010-2011 (o'g'il bolalar) yil yosh toifalarida o'tkazildi.

“Triumf” sport saroyi mezbonlik qilgan turnirda O'lmas Gulliev murabbiyligidagi o'zbekistonlik 10 nafar yosh dzyudochi ham ishtirok etdi. Musobaqaning birinchi kuni -38 kg vazn toifasida yurtimiz sharafini himoya qilgan Inoyat Telmonov bronza medaliga sazovor bo'lgandi.

Ikkinchi kungi bellashuvlarda SHarofiddin Rahmonov (-28 kg) va Inomjon Bahodirov (-50 kg) ham xalqaro turnirning bronza medalini qo'lga kiritdi. Moskvadagi turnirda 3 ta medalga ega chiqqan dzyudochilarimiz bugun soat 22:30da Toshkentga qaytib kelishadi.

O'zbekiston dzyudo federaciyasi matbuot xizmati