Otda sayr qilayotib oyog'ini sindirib olgan Bautista-Agut holati haqida nimalar dedi?

Agut otdan yiqilib, oyog'ini sindirib olgani sababli 2023 yilgi mavsumning uch oyini o'tkazib yubordi.

- Bu faoliyatingizdagi eng og'ir mavsumlardan biri bo'ldimi?

- Ha, shak-shubhasiz. Bu oddiy jarohat emasdi. Sinish - juda jiddiy. Xursandman, endi 100 foizga sog'lomman.  Bunday jarohat boshqa insonlarda tiklanish uchun uzoq vaqtni olib qo'yishi mumkin edi.

- O'zi nima bo'lgandi?

- Oyog'imdagi muhim suyakni sindirib olgandim. Otda ketayotgandim, u yiqildi va chap oyog'im otni ostida qoldi. O'z vaqtida vaziyatga kirishib ketdim, biroq oyog'imni to'g'ri tortib ololmadim va ot bor vazni bilan oyog'imni bosib qoldi. Biz tez harakat qilganligimiz uchun zarba kuchi ham katta bo'ldi.

- Omadim keldi, deb hisoblaysizmi?

- Ha, chunki bunday holatda oyoqni bundan-da jiddiyroq sindirib, yarim yilga ham safdan chiqishim mumkin edi.