21 sen 18:58
Yangiliklar

Dzyudo

O'zbek derbisida SHarofiddin Boltaboev Toshkent Gran-prisi g'olibiga aylandi

Poytaxtimizdagi muhtasham "Humo Arena"da o'tkazilayotgan dzyudo bo'yicha Toshkent Gran-prisining ikkinchi kungi bahslari yakuni sari yaqinlashmoqda.

Hozirgina -81 kg vazn toifasida hal qiluvchi final bellashuvi yakunlandi. Oltin medal uchun kechgan uchrashuvda o'zbekistonlik dzyudochilar - Kamoliddin Rasulov va SHarofiddin Boltaboev o'zaro to'qnash kelishdi.

Murosasiz kechgan o'ziga xos o'zbek derbisida SHarofiddin Boltaboev g'alaba qozonib, Toshkent Gran-prisi chempioniga aylandi. G'olib polvon Tokio Olimpiadasining qimmatli 700 reyting ochkosini ham qo'lga kiritdi.