O'zbek milliy kurashi SportAccord 2024 ko'rgazmasiga kiritildi

7-11 aprel kunlari Buyuk Britaniyaning Birmingem shahrida bo'lib o'tadigan global sport tadbirida innovacion tashabbuslar, yangi tadbir modellari va global takliflar muhokama qilinadi.

Unda jahon siyosati va sportining muhim arboblari, nufuzli davlat va jamoat arboblari ishtirok etishi kutilmoqda.

Yilning eng nufuzli global sport va ishbilarmonlik uchrashuvida AI va WEB 3, sportda ilg'or texnologiyalardan foydalanish hamda tadbirlar va sayohatlarni optimallashtirish kabi muhim mavzularda amaliy seminarlar ham tashkil etiladi.

Bu yil ushbu tadbirlarda Kurashning rasmiy ko'rgazmasi ham bo'lib o'tadi.

Kurash xalqaro associaciyasi prezidenti Haydar Farmon rahnamoligida mazkur nufuzli sport haftaligini yuqori saviyada o'tkazishga tayyorgarlik ko'rilmoqda.

Birmingem xalqaro konferenciya markazida kurashga bag'ishlangan maxsus pavilyon mavjud. Kurashning tarixi, rivojlanishi va zamonaviy yutuqlarini aks ettiruvchi sovg'alar va ko'rgazmalar taqdim etilishi kutilmoqda.