22 apr 08:41
Yangiliklar

Tennis

O'zbek tennisi istiqboli - Amir Milushev Bolgariyadagi turnirning juftlik bahslarida tengsiz bo'ldi!

Teglar : Amir Milushev

Amir Milushev o'zining ettinchi titulini qo'lga kiritdi.

18-21 aprel kunlari Bolgariyaning Xaskovo shahrida tennis bo'yicha o'smirlar o'rtasida J200 turniri bo'lib o'tdi.

Ahamiyatlisi, ushbu musobaqaning juftlik bahslarida ishtirok etgan hamyurtimiz — Amir Milushev italiyalik Lorenco Syabasi bilan hamkorlikda birinchi o'rinni qo'lga kiritdi. Final bahsida ular Amirxamza Nasridinov/Aleksandr Vasilev juftligini 6:2, 6:1 hisobida taslim etishdi.

Bu Amir Milushev uchun juftlik yo'nalishidagi beshinchi, umumiy ettinchi tituli hisoblanadi.

Malmuot uchun, Milushev 4-10 iyun kunlari Parijda bo'lib o'tadigan o'smirlar o'rtasidagi "Rolan Garros" turnirida ishtirok etishi kutilmoqda. U ayni damda o'smirlar o'rtasidagi ITF dunyo reytingida 83-o'rinni egallab turibdi.