16 okt 11:14
Yangiliklar

Boks/MMA

O'zbekiston boks federaciyasi Osiyoda tengsiz deb topildi

Xabaringiz bor, kuni kecha Tailand davlatining Bangkok shahrida Osiyo boks konfederaciyasining navbatdan tashqari kongressi bo'lib o'tdi.

Ushbu Kongressda kun tartibi bo'yicha Osiyo boksi atrofidagi turli masalalar ko'rib chiqilishi bilan birgalikda, 2022-yilda Osiyo mintaqasida bo'lib o'tgan barcha musobaqalar hisobotlari taqdim etildi.

Quvonarlisi, O'zbekiston boks federaciyasi, o'tgan 2022-yil hisobidan medallar jamg'arish bo'yicha Osiyo qitasining “Yil federaciyasi” deya tan olindi va Osiyo boks konfederaciyasi tomonidan maxsus mukofoti topshirildi.

Ushbu mukofotni O'zbekiston boks federaciyasi raisi maslahatchisi Malik Babaev qabul qilib oldi.