O'zbekiston chempionati startiga 3 kun qoldi

"Universal" sport majmuasida o'tkaziladigan yilning so'nggi musobaqasida Qoraqalpog'iston Respublikasi, barcha viloyatlar hamda Toshkent shahridan 400 nafarga yaqin kurashchilar to'rt kun davomida medallar uchun kurash olib boradilar. 

CHempionatning dastlabki ikki kuni yunon-rum kurashi, so'nggi ikki kunida esa erkin kurash bo'yicha g'olib va sovrindorlar nomi malum bo'ladi. Mamlakat chempionatida Tokio Olimpiadasi ishtirokchilarining ham qatnashishi bellashuvlarning murosasiz kechishini taminlaydi.  

O'zbekiston chempionati g'oliblari terma jamoa tarkibiga kiritiladi va ular 2022 yil hisobidan o'tkaziladigan xalqaro musobaqalarda yurtimiz sharafini himoya qiladilar. Ayni paytda Qoraqalpog'iston Respublikasi, barcha viloyatlar va Toshkent shahrida O'zbekiston chempionatga tayyorgarlik mashg'ulotlari deyarli yakuniga etmoqda.